Aadhar New App: आता कुठेही आधार झेरॉक्स देण्याची गरज नाही, सर्व कामं UPI प्रमाणे QR कोड स्कॅन करून होणार
Aadhaar App with Face ID : भारत सरकारने नागरिकांसाठी आणखी एक महत्त्वाचं पाऊल उचललं आहे. आता तुम्हाला आधार कार्डाची हार्ड कॉपी बाळगण्याची गरज नाही, कारण सरकारनं एक नवीन, स्मार्ट आणि सुरक्षित ‘आधार मोबाईल अॅप’ लाँच केलं आहे.
Union Minister for Electronics and Information Technology, Ashwini Vaishnaw यांनी स्पष्ट केले की हे अॅप यूजर्सना त्यांच्या संमतीनेच सुरक्षित डिजिटल माध्यमांद्वारे आवश्यक डेटा शेअर करू शकणार आहे. आधार पडताळणी आता UPI पेमेंट प्रमाणेच QR कोड स्कॅन करून पूर्ण करता येणार आहे. या अॅपच्या सादरीकरणामुळे हॉटेल, दुकाने किंवा विमानतळांसारख्या पडताळणी केंद्रांवर आधारच्या फोटोकॉपीज सादर करण्याची नियमित आवश्यकता संपण्याची शक्यता आहे.
या नव्या अॅपमुळे आधार व्हेरिफिकेशन प्रक्रिया आणखी सहज, सोपी आणि डिजिटल झाली आहे. सर्वात महत्त्वाचं म्हणजे, यात आता फेस आयडी ऑथेंटिकेशनची सुविधा देण्यात आली आहे. म्हणजेच, केवळ चेहरा ओळखून तुमचं आधार डिजिटलरीत्या व्हेरिफाय होऊ शकतं – अगदी UPI पेमेंटप्रमाणे एका क्लिकवर!
QR कोड स्कॅन करा, आणि झाला आधार व्हेरिफाय
हे अॅप वापरताना तुम्हाला तुमचा आधार क्रमांक टाकण्याची गरज नाही. फक्त QR कोड स्कॅन करा, आणि तुमचं व्हेरिफिकेशन काही क्षणांत पूर्ण! ही संपूर्ण प्रक्रिया वापरकर्त्याच्या संमतीशिवाय कधीही होत नाही, त्यामुळे गोपनीयतेची पूर्ण हमी दिली जाते.
हॉटेल, दुकानं, विमानतळ – कुठेही फोटो कॉपीची गरज नाही
केंद्रीय आयटी मंत्री अश्विनी वैष्णव यांनी या अॅपबाबत माहिती देताना स्पष्ट केलं, की हॉटेल रिसेप्शन, शॉपिंग मॉल, किंवा एयरपोर्टवर आता आधार कार्डाची फोटोकॉपी द्यावी लागणार नाही. हे अॅप तुमचं आधार डिजिटल स्वरूपात आणि सुरक्षित पद्धतीने व्हेरिफाय करतं, तेही केवळ तुमच्या परवानगीने.
आधार + AI = अधिक स्मार्ट, अधिक सुरक्षित
हे अॅप सध्या बीटा टेस्टिंग फेजमध्ये आहे, मात्र त्यात गोपनीयतेचं कठोर संरक्षण करण्यात आलं आहे. यामुळे आधारची माहिती कुणालाही सहज मिळू शकत नाही, आणि ती बदलणंही अशक्य आहे.
मंत्री वैष्णव यांच्या मते, आधार हा अनेक सरकारी योजनांचा कणा आहे. आणि आता सरकार AI म्हणजेच आर्टिफिशियल इंटेलिजन्सचाही वापर करत आहे, ज्यामुळे डिजिटल पायाभूत सुविधा अधिक सक्षम होतील.
डिजिटल भारताच्या दिशेने आणखी एक पाऊल
या नव्या अॅपच्या माध्यमातून, सरकारने डिजिटल इंडिया मिशनला आणखी वेग दिला आहे. नागरिक आता आधारच्या मदतीने वेगवेगळ्या सेवा आणि व्यवहार अधिक विश्वासार्ह आणि सुरक्षितपणे करू शकणार आहेत.
थोडक्यात काय?
- आधार कार्ड जवळ बाळगायची गरज नाही
- QR कोड स्कॅन आणि फेस आयडीने व्हेरिफिकेशन
- फोटो कॉपी द्यायची आवश्यकता नाही
- गोपनीयतेला सर्वोच्च प्राधान्य
- AI चा समावेश होणार डिजिटल सेवांमध्ये
Aadhaar App with Face ID म्हणजे, तंत्रज्ञान आणि सुरक्षेचं एक उत्तम उदाहरण आहे, जे सामान्य नागरिकाच्या सोयीसाठी तयार करण्यात आलं आहे. लवकरच हे अॅप सर्वांसाठी उपलब्ध होणार असून, डिजिटल भारताच्या स्वप्नाच्या दिशेने हे एक मोठं आणि सकारात्मक पाऊल मानलं जातंय.
