Traffic law in India : ट्राफिक हवालदार तुमच्या गाडीची चावी काढून घेऊ शकत नाही; जाणून घ्या काय आहेत नियम..
???? Traffic law in India : रस्त्यावर गाडी चालवताना कोणत्याही चालकाला पोलिसांच्या रडारवर राहणे आवडत नाही, मग तो नवीन चालक असो किंवा अनुभवी. मात्र, वाहतूक पोलिसांनी वाहनचालकांना थांबवताना, तसेच नियमानुसार त्यांच्या आदेशाचे पालन करणे आवश्यक आहे. पण हे नियम-कायदे आपल्या जागी बरोबर आहेत, कधी-कधी वाहतूक पोलीसही आपली हद्द ओलांडत लोकांना त्रास देताना दिसतात. ज्यामध्ये पोलिस कायद्याच्या विरोधात लोकांच्या वाहनांच्या चाव्याही काढून घेतात, इतकेच नाही तर कधी कधी टायरची हवा देखील काढतात.
ट्रॅफिक पोलिसांनी तुमच्या चाव्या काढून घेतल्यास तुम्ही काय करावे?
- तसे, वाहतूक पोलिसांचे काम रस्त्यावरील वाहतूक सुरळीत चालवणे हे असते. तो कोणत्याही नियमांचे उल्लंघन करण्यास मनाई करतो.
- आम्ही तुम्हाला सांगतो की चेकिंग दरम्यान तुमच्या गाडीची चावी काढण्याचा अधिकार ट्रॅफिक पोलिसाला नाही.
- याशिवाय ते तुमच्या गाडीच्या टायरची हवा सुद्धा काढू शकत नाहीत आणि तुम्हाला शिवीगाळही करू शकत नाहीत, एवढेच नाही तर ते तुमच्याशी गैरवर्तनही करू शकत नाहीत.
- जर एखाद्या पोलिस अधिकाऱ्याने तुम्हाला विनाकारण त्रास दिला तर तुम्ही त्याच्यावर कारवाई करू शकता.
- उपनिरीक्षक दर्जाच्या कोणत्याही पोलीस अधिकाऱ्याला तुमच्या वाहनाची कागदपत्रे मागण्याचा अधिकार नाही आणि कोणत्याही अधिकाऱ्याला वाहनाच्या चाव्या काढून घेण्याचा अधिकार नाही.
- तरीही कोणी कायदा मोडत असेल तर कागदपत्रे आणि वाहन जप्त करण्याचा अधिकार पोलिस अधिकाऱ्याला आहे.
चावी काढणे योग्य की अयोग्य?
वाहतूक पोलिसांनी तपासणी करताना वाहनाची चावी काढली तर ते चुकीचे असून हा अधिकार त्यांना देण्यात आलेला नाही. भारतीय मोटार वाहन कायदा 1932 नुसार, सहाय्यक उपनिरीक्षक दर्जाचे वाहतूक पोलीस कर्मचारीच तुम्हाला वाहतूक नियमांचे उल्लंघन केल्याबद्दल चालान देऊ शकतात.
तसेच, एएसआय, उपनिरीक्षक आणि निरीक्षकांना तुम्हाला जागेवर दंड करण्याचे अधिकार आहेत आणि वाहतूक हवालदार फक्त त्यांना मदत करण्यासाठी आहेत. या कारणास्तव, कोणत्याही वाहतूक हवालदाराला तुमच्या वाहनाच्या चाव्या काढून घेण्याचा अधिकार नाही.
या गोष्टींसाठी कापता येते चालान
तुम्ही नियमांचे उल्लंघन केल्यास वाहतूक पोलिस तुमच्या वाहनाच्या चाव्या काढू शकत नसले तरी या गोष्टी न पाळल्यास दंड होणार हे नक्की. तुमच्याकडे ड्रायव्हिंग लायसन्स, पीयूसी आणि इन्शुरन्सची कागदपत्रे नसल्यास तुम्हाला दंड भरावा लागू शकतो. तसेच वाहन चालवताना हेल्मेट घालावे व वाहतुकीचे नियम पाळावेत याकडे लक्ष द्यावे.
यासंबंधीचे नियम आणि कायदे तुम्हाला माहीत असणे महत्त्वाचे आहे, जेणेकरून तुमचा मौल्यवान वेळ वाया न घालवता, पोलिसांच्या मदतीने तुम्ही तात्काळ स्वतःला वाचवू शकाल. एखाद्या ट्रॅफिक पोलिसाने तुमच्यावर अन्याय केला तर पुरावा म्हणून त्या घटनेचा व्हिडिओ बनवा. यामुळे तुम्ही तुमची बाजू मांडू शकाल आणि त्यानंतर तुम्ही जवळच्या पोलीस ठाण्यात किंवा वरिष्ठ अधिकाऱ्याकडे तक्रार करू शकता.
